Сэтгэлийн гэрээслэл

Олон зүйлс өөрчлөгджээ...харин энд бичсэн мэдрэмжүүд хэвээр..

no_email@coo.mn (just_pen) — Tue, 17 Dec 2019 14:50:00 +0800

ЗУРГИЙН САН

2008 онд энд анх бичиж байж. Жаахан хүүхэд байж дээ... Харин одоо 30 гарчихсан нэгэн гүйцэгдэхгүй сэргэлэн охины ээж болж... Заримдаа ганц бие ээж байх хэцүү л байдаг. Гэхдээ л энэнээс өөрөөр байсан бол эсвэл охин минь байхгүй байсан бол би хэн байх байсан бол гэдэг бодлууд намайг чи "харанхуй"-д байх гэсэн л гэж хэлдэг хэхэ.... Дахиад хэдэн жилийн дараа энэ бүгдийг олж уншихыг мэдэхгүй л юм. Амьдралд маш олон төрлийн сэтгэл, маш олон төрлийн хүч хэрэгтэй гэдгийг мэдэрч л явна... Гэхдээ энэ бүгдээс чухал нэг зүйлийг дурдая... Гэр бүлийн хайранд хайрлагдаж өсөөгүй хүн их л хоосон хөндий хайрлаж мэдэхгүй өсдөг юм байна... Тийм болохоор хэрвээ та хэн нэгний аав эсвэл ээж бол гэр бүлийнхээ бүрэн бүтэн халуун хайрыг хэзээ ч битгий үгүй хийгээрэй... Бүх зүйл сайхан болж аз жаргалтай өдрүүд намайг чамайг биднийг угтаж байгаа гэдэгт итгэцгээе... 2019 оны төгсгөл 2020 оны босгон дээр үүнийг бичлээ...

Надад хариулаад өгөөч???

no_email@coo.mn (just_pen) — Fri, 05 Mar 2010 09:49:00 +0800

Энэ хорвоо дээр юу хамгийн үнэн бэ???

Хорвоо заримдаа зөвийг нь биш бурууг нь хэтэрхий хүнд шийтгэх юм даа...

no_email@coo.mn (just_pen) — Thu, 04 Mar 2010 19:45:00 +0800

Гэр бүлийн нандин харьцаа юун дээр тогтдог юм бол. Би гэр бүлийн нандийн харилцаа эсвэл эцгийн сайхан хайр, халуун үнсэлт, урмын үгсийг мэдрэлгүй өссөн. Гэхдээ би энэндээ хэзээ ч хэнийг ч буруутгаж байгаагүй. Яагаад гэвэл миний ээж надад энэ бүгдийг нөхөж амьдарч ирсэн болхоор. Гэвч яагаад хайрлах гэж хамт байх гэж гэр бүлийг зохиодоггүй гэж үү. Одоо танийг эргээд ир, намайг хайрлаач гэж би хүсэхгүй бас гуйхгүй. Гэхдээ л жаахан харамсах юм. Зөвхөн ээжийгээ хархаараа л. Хамтдаа урт удаан амьдарч байгаа гэр бүлүүдийг охидоо энхрийлж байгаа аав, хамтдаа дэогүүр явж байгаа ээж аавуудыг хараад атаархах сэтгэлээ л гаргах гэсэн юм. Зүгээр л дэргэд нь байж насан туршдаа харж хандахгүй байсан юм бол яах гэж биднийг нэг дор цуглуулсан юм. Яах гэж ээжийн минь залуу халуун насыг нь авсан юм бэ. Зөвхөн та биш таниас өөр хүн ээжийг минь илуу сайхан амьдруулах байсан ч юм билүү. Хэн мэдлээ. Ээж минь хэрвээ танийг насан туршдаа хүлээж гэрт эм гадаа эр болж амьдраагүй байсн бол одоо насан туршийн хэвтрийн биш хоёр хөл дээрээ явах ч байсан юм билүү. Босоод явж байхыг нь хармаар байна. Яагаад оройтов, хаачаад ирэв гээд араасаа ээжээрээ хайлгамаар байна. Тэнэг ч гэлээ ээж минь явж л байвал хамаа алга. Ээж минь бидний аз жаргалыг аяганы дундуур болгосон эцэг гэж дуудуулах дуртай тэр аав гээч хэвтэрт орсон бол эмчилгээгүй гэсэн бол би дусал ч нулимс унагахгүй байсан. Яагаад гэвэл энэ зовлонгийн хариу гээд буруу ч гэлээ чи тайвшраад алхах байсан юм. Хорвоо заримдаа зөвийг нь биш бурууг нь хэтэрхий хүнд шийтгэх юм даа...

Юу ч гүй болох юмсан...

no_email@coo.mn (just_pen) — Mon, 01 Feb 2010 23:06:00 +0800

Болдог бол юу ч гүй болох юмсан. Зүрх сэтгэлгүй, нулимсгүй, инээд баясалгүй, хайр сэтгэлгүй, итгэл найдваргүй, найз нөхөдгүй, гэр бүлгүй. Хэрвээ би заримдаа ийм байхыг хүсээд байвал би ер нь яг хэн юю бол. Гаж ч юм шиг. Хүн биш ч юм шиг. Миний дурдсан зүйлс бусдын хувьд хамгийн нандин зүйлс. Гэтэл миний хувьд юу ч биш юм шиг санагдаад байх боллоо. Би тэнэг...

Би ойлгохгүй байна

no_email@coo.mn (just_pen) — Wed, 27 Jan 2010 21:57:00 +0800

Заримдаа би хэтэрхий тэнэг бүр дэндүү болчих юм. Хорвоо дээр хамгийн их хайрлах ёстой хүмүүсээ хайрлахаа мартчихаад байх юм. Энэ юуных вэ. Миний тэнэгийнх л байхдаа. Хамгийн их хайрлах ёстой хүмүүсээ өөрөөсөө түлхээд л миний хажууд байхгүй байсан ч болоосой гэж бодоод л. Цор ганцаараа байсан ч болоосой гэж бодох юм. Энийг бичиж байхдаа ч гэсэн тэгж бодож байна. Яаах ёстойгоо ямар байдлаар бусдыг хайрлах ёстойгоо би мэдэхгүй байна. Бүгд надаас холдоод байх шиг. Цор ганцаараа баймаар байна. Хэнийг ч дэргэдээ байлгахыг би хүсэхгүй байна. Бүгдээс залхаж шантарч эхэлж байна. Хаагуур алхах ёстойг ямар шугмаар алхаж байснаа мартчихлаа. Би санах хэрэгтэй байна...

Дурладаг байсан...

no_email@coo.mn (just_pen) — Tue, 16 Jun 2009 23:29:00 +0800

Буудлаад одох шувууд шиг би дурладаг байсан
Хийсээд одох салхи шиг би дурладаг байсан
Шиврээд дуусах бороо шиг би дурладаг байсан
Түгээд жаргах одод шиг би идурладаг байсан
     Харахын төдийд догдолдог байсан
     Хүсэхийн төдийд уярдаг байсан
     Бодохын төдийд хайрладаг байсан
     Буцахын Төдийд гунихардаг байсан
Инээмсэглэх сайхан төрхийг чинь санадаг болсон
Энгэрийн чинь халууныг үгүйлдэг болсон
Халуухан үнсэлтүүдийг чинь нэхдэг болсон
Зүрхэнд минь шивнэдэг хайрын үгсийг чинь хайдаг болсон
     Гайхам хайрыг амссан гэж би сэтгэлдээ итгэдэг
     Гунихарсан сэтгэлтэй буцаагүй гэж зүрхэндээ итгэдэг
     Өөрийнхөө өмнө хайрыг сөхрүүлсөн гэж бодолдоо итгэдэг
     Өр зүрхэндээ хайр дахин ирнэ гэж дурсамжиндаа итгэдэг.

Би үхмээр байна

no_email@coo.mn (just_pen) — Thu, 21 May 2009 01:15:00 +0800

Үнэнийг хэлхэд би үхмээр байна
Үүлэн дунд хөвж буй уйтгарт амьдралаас залхаж байна
Үнэнийг хэлхэд би үхмээр байна
Зүрхэндэх шаналалдаа би өөрөө түүртэж байна
Үнэнийг хэлхэд би үхмээр байна
Хэн нэгний өмнө өөийгөө зөвтгөж амьдрахаас би залхаж байна
Үнэнийг хэлхэд би үхмээр байна
Хайртай бүхэн минь ямх ямхнаар надаас холдохоос залхаж байна
Үнэнийг хэлхэд би үхмээр байна
Өрийгөө хэн нэгнээр хайрлуулна гэж итгэсээр би залхаж бана
Үнэнийг хэлхэд би залхаж байна
Нар хүртэл мандахдаа шинээр нэгнийг олж харна гэж итгэж байхад
Би үхлээс өөр юуг ч олж харахгүй байна
Сар хүртэл шөнө бүр мандахдаа ганц удаа уйтгарлалгүй туяагаа тусгаж байхад
Шөнө бүр миний сэтгэлд хэн ч туяагаа тусгахгүй байна
Үнэнийг хэлхэд би үхмээргүй байна...

мэдэхгүй...

no_email@coo.mn (just_pen) — Mon, 08 Dec 2008 15:48:00 +0800

надад ямар байгааг сэтгэл минь яаж байгааг хэн ч мэдэхгүй би нууц....